STÆRÐARTÖFLUR
Ekki vera í þykkum klæðnaði þegar mælt er.
Þegar valið er á milli stærða er byrjað að miða við lengd á baki, sjá mynd.
Baklengdin þrengir valið niður í tvær stærðir. Þá er farið eftir málum á bringu, mjöðmum o.s.frv.
ÖRYGGISVESTI MEÐ RENNILÁS
89.000 kr.
HELITE öryggisvestin veita eina bestu vörn gegn meiðslum, sem völ er á fyrir hestamenn. Vestið hefur innbyggða loftpúða og vegur einungis 600 gr. Knapinn finnur lítið sem ekkert fyrir vestinu og það hefur engin áhrif á samband knapa og hests. Vestin eru vatnsheld og teygjanleg, þau gefa vel eftir en halda lögun sinni eftir að vestið hefur blásið upp. Vestin henta öllum kynjum og stærðum og koma einnig í barnastærð (börn yfir 35 kg.) Skoðið endilega stærðartöfluna hér neðar á síðunni.
Það má klæðast vestinu einu og sér utanklæða eða renna vestinu inn í samþykktan Helite fatnað. Vestið hentar ekki undir annan klæðnað. Við mælum ekki með notkun á vestinu fyrir börn undir 35 kg.
Vestið er selt tilbúið til notkunar og kemur með einu gashylki, taumi frá vesti í hnakk, skiptilykli og handbók. Stærðartaflan hjálpar við val á réttu vesti.
Við sendum frítt um allt land. Það er einnig velkomið að máta vestið hjá okkur. Við erum í Spretti, Heimsenda 14. Hafðu samband og við mælum okkur mót.
ÖRYGGISVOTTANIR OG ÁBYRGÐ
CE VOTTUN: Helite öryggisvestin uppfylla ströngustu öryggiskröfur og eru með CE vottun frá ALIENOR rannsóknarstofunni sem er óháð stofnun á vegum Evrópusambandsins og sérhæfir sig í að rannsaka öryggisbúnað fyrir hestamenn (PPE).
ÁBYRGÐ: Öryggisvestunum fylgir lágmarks tveggja ára ábyrgð.Ef þú skráir vestið innan þriggja mánaða frá kaupum þá eykst ábyrgðin um tvö ár og verður að fjögurra ára ábyrgð. Til að skrá vestið í fjögurra ára ábyrgð smelltu HÉR
SKIPT UM HYLKI
Það er einfalt að skipta um gashylki í vestinu en mikilvægt að það sé gert rétt! Það er því mikilvægt að horfa á þetta myndband þegar það er gert í fyrsta skiptið.
Myndbandið útskýrir allt sem gott er að hafa í huga þegar hnakkólin er fest.
VIÐHALD
Við mælum með að yfirfara vestið árlega. Þá er skoðað ástandið á gashylkinu og það er viktað. Móttak er skrúfað í sundur og þrifið. Myndbandið útskýrir í smáatriðum allt sem gott er að hafa í huga við árlega skoðun á vestinu.Ekki má þvo vestið í þvottavél eða sökkva því í vatn. Ef þvo þarf vestið þá mælum við með að skrúbba vestið með bursta og lítið af vatni.
