“Ég ráðlegg öllum hestamönnum, hvort sem það eru atvinnumenn eða hinn almenni reiðmaður að verja sig almennilega og klæðast öryggisvestum frá Brokk.“
MJÚK LENDING OG VESTIÐ VARÐI BAK OG HÁLS
„Ætli það sé ekki komið að því að ég deili minni reynslu af öryggisvestinu góða. Ég hef þrisvar sinnum látið reyna á vestið. Svona gerist þegar á að taka barnahrossið í gegn og það lætur finna fyrir sér! Fyrsta skiptið lenti ég beint á rassinum og var frekar hallærislegt að sitja í götunni og vera uppblásin eins og Michelin maðurinn. Seinni tvö skiptin þá lendi ég á bakinu – mjúk lending og vestið varði bak og háls – ekkert mál! Það var svo í sumar að ég lendi í slæmu óhappi. Hesturinn prjónar með mig sem gerir það að verkum að gjörðin fer aftur að nára án þess að ég átti mig á því. Ég ríð af stað og þá er kallað að ég eigi að fara strax af baki og laga gjörðina. Ég aftengi vestið og er að stíga af baki þegar hesturinn byrjar að hrekkja (hnakkinn). Ég dett mjög illa af baki, datt út í 20 mínútur og fann mikið til í hálsi. Núna tveimur mánuðum síðar er ég í sjúkraþjálfun. Það sem er svo svekkjandi er að ef ég hefði ekki verið búin að aftengja mig einni sekúndu áður, þá hefði ég ekki fundið fyrir þessu falli. Ég veit að vestið hefði blásið út í kringum hálsinn á mér og fallið hefði ekki haft þessar afleiðingar. Ég get ekki mælt of mikið með þessum vestum enda læt ég fólk sem mér þykir vænt um ekki í friði, fyrr en það er komið í vesti.“
– Tinna Dögg Kjartansdóttir, hestakona í Spretti og eigandi brokk.is
AÐ DETTA ER EINS OG AÐ FALLA Í RÚM
„Í sleppi túr í sumar féll ég af baki í svo miklum látum að ég lenti á bakinu með fætur og hendur upp í loft. Ferðafélagi minn ætlaði að hringja á sjúkrabíl því hann taldi fyrir víst að ég væri stórslasaður. Mér til mikillar furðu fannst ég lenda líkt og að falla í rúm eða sófa og fann ekkert til í skrokknum. Tel ég fyrir víst að ef ég hefði ekki verið í vesti þá hefði ég stórslasast. Ég er viss um að þetta vesti sé jafn nauðsynlegt og hjálmur. „
GÓÐUR HJÁLMUR OG ÖRYGGISVESTI ER FJÁRFESTING SEM ÉG MÆLI MEÐ!
“Ég hef notað öryggisvesti frá Brokk í meira en ár. Vestið er létt, þægilegt og hamlar mér ekki neitt. Það hefur einu sinni reynt vel á vestið mitt og það særðist ekkert nema stoltið Góður hjálmur og öryggisvesti er fjárfesting sem ég mæli með!
– Davíð Áskelsson, hestamaður í Spretti
ÉG LENTI Á BAKINU EN MEIDDIST EKKI NEITT
„Ég er nýlega byrjuð í hestum og keypti öryggisvesti í vor hjá Brokk. Það hafði ekki reynt á vestið þegar ég fór í fjögurra daga hestaferð inn á hálendið. Þar lendi ég í að fljúga fram fyrir mig af baki á þó nokkrum hraða – og ég man að í loftköstunum var fyrsta hugsunin hvort og hvernig vestið myndi virka. Ég heyrði smellinn þegar vestið fylltist af lofti og fann hvernig það þéttist um mig og varði líkamann. Ég lenti á bakinu en meiddist ekkert og veit að þetta hefði farið verr ef ég hefði ekki verið varin. Vestið er létt og þægilegt, auðvelt í notkun, töff og ég mæli 100% með því.“
FANN EKKERT FYRIR FALLINU OG ER ALVEG HEIL
„Auglýsingar Brokk vöktu athygli mína og sló ég til og eignaðist öryggisvesti síðastliðið sumar. Þetta vesti er alger snilld, svo létt að þú finnur ekkert fyrir því. Það veitir mér öryggiskennd þar sem kjarkurinn er ekki alltaf upp á 10. Vestið ver háls, hrygg og líffæri og nú get ég ekki hugsað mér að fara á bak án þess. Þess má geta að ég er auðvitað búin að “prufa” að detta í vestinu og það er alger snilld. Það blæs upp á 0,01 sekúndu, mikill stuðningur við hálsinn og ég fann ekkert fyrir fallinu og er alveg heil. Ég vil hvetja alla sem hafa tök á að fá sér vesti, það er aldrei spurning. Við getum öll lenti í því að detta. Svo er það bara frekar töff.“
– Vala Rós, hestakona.
VESTIÐ ER ÞÆGILEGT OG VEITIR ÖRYGGISTILFINNINGU
„Ég hef verið í kringum hesta frá því að ég var 4 ára og taldi mig frekar kjarkaða hestakonu þar til að ég var með hest sem blindrauk ítrekað og það tók á að reyna að breyta því. Ekki skemmtilegt. Í vor fékk ég HELITE öryggisvesti frá brokk.is í afmælisgjöf og ég er hæst ánægð með það! Vestið er mjög þægilegt og eykur öryggistilfinningu, sem gerir mig að betri knapa og leiðtoga fyrir hestinn. Sjálfsöryggið eykst og allir kátir! Ég er mjög ánægð með vestið, svo mikið að ég gleymi stundum að klæða mig úr því.
“Ég keypti vesti frá brokk.is sem blæs upp þegar kippist í streng sem er tengdur við hnakkinn. Vestið hefur strax komið að gagni því hesturinn hnaut með með mig beint á trínið og ég slapp ótrúlega vel. Svona vesti ætti að vera til í hverju hesthúsi. “
Jóhannes Helgason – hestamaður í Sörla
ÞAÐ ER ENGIN SPURNING AÐ ALLIR HESTAMENN EIGA AÐ KLÆÐAST ÞESSU VESTI
“Mér líkar rosalega vel við þetta vesti. Það er frábært að vera með hjálm en maður hefur aldrei áður hugsað út í að verja líkamann. Vestið er einfalt í notkun en þú tengir vestið við hnakkinn og ef maður dettur af baki þá blæs það út á 0,01 sekúndu og búmm, það er allt varið: Bakið, hryggurinn, hálsinn, rifbeinin, mjaðmagrind og svo lekur úr vestinu þegar þú stendur upp. Vestið þolir hvorki meira né minna en 1 tonn af álagi! Svo er það svo þægilegt að ég bara fer ekki úr þessu.
Svo er það líka töff, ég fíla mig vel í því og það er töff að hugsa um öryggið. Það er engin spurning að allir hestamenn eiga að klæðast þessu vesti – engin spurning!”lengi sem maður er ekki að hoppa af baki með tilþrifum. Ég mæli með HELITE öryggisvestunum frá BROKK!”
Ég skora á fyrirmyndir í hestamennskunni, t.d. tamningamenn, kappreiðarknapa o.fl. að kynna sér vestið
“Ég slasaðist mikið í byrjun janúar. Brotin rifbein og gat á lunga (2 vikur á spítala), ca. 3 mánuði að ná bata. Er að verða nokkuð góð. Félagar mínir gáfu mér öryggisvesti frá brokk.is. Vestið er vörn fyrir rifbein, líffæri, háls og hrygg. Svo er það líka eiginlega smá töff, svona sérsveitarlúkk á því 🙂 Ég skora á fyrirmyndir í hestamennskunni, t.d. tamningamenn, kappreiðarknapa o.f.l. að kynna sér vestið.”
Súsanna Sand – Tamningakona, þjálfari, reiðkennari og dómari.
“Ég keypti Helite öryggisvesti hjá Brokk.is í haust. Nokkrum vikum síðar lendi ég í því að það fælist undir mér tamningatryppi og ég dett af baki. Jörðin auð, en gaddfreðin. Man að ég hugsaði þegar ég datt, ái, þetta á eftir að verða vont. En vestið blés út og ég stóð upp án þess að hafa fundið fyrir nokkru. Maður finnur ekkert fyrir því að vera í vestinu og það heftir ekki hreyfingar manns á nokkurn hátt. Mæli 100% með þessum vestum.”
Margrét Friðriksdóttir – tamingakona og þjálfari á Hvolsvelli.
“Eftir að hafa prófað nokkrar tegundir af öryggisvestum sem mér fannst öll þvingandi og stíf prófaði ég vestið frá Brokk.is. Það kom mér á óvart hvað það er lipurt, létt og þægilegt og veitir mikla öryggistilfinningu. Ég finn ekki fyrir því að vera í vestinu. Það tekur svo enga stund að venja sig á að tengja og aftengja við hnakkinn. Ég mæli með vestinu fyrir allt hestafólk sem vill vera öruggt og töff í hnakknum. “
ÞESSI VESTI ERU SNILLD, FÉKK EKKERT HÖGG
“Ég slasaðist MJÖG alvarlega fyrir 5 árum síðan, braut 3 hryggjarliði, 5 rifbein og hægra lungað féll saman. Ég þurfti að fara í 3 stórar aðgerðir. Þrátt fyrir þetta hef ég ekki misst hestabakteríuna og þrái ekkert meira en að vera á hestbaki. Maðurinn minn keypti BROKK vesti handa mér og ég er farin að ríða út. Ég hef meira að segja dottið í vestinu og fann ekkert til. Þessi vesti eru snilld, grípa mann alveg þannig að ég fékk ekkert högg. Takk takk BROKK”
Svanhvít Gísladóttir, hrossa og fjárbóndi í Lindarholti, Dalabyggð
AÐ DETTA ER EINS OG AÐ HENDA SÉR Í SÓFANN HEIMA
“Eftir lestur á reynslusögum á Brokk.is og áhorf á kynningu á vestinu ákvað ég að kaupa mér vesti. Ég tók bóndann með í þá verslunarferð, hann var nú ekki alveg sannfærður en hann sló til og keypti líka vesti. Tveimur dögum síðar lenti hann í slæmu slysi með þeim afleiðingum að hann fékk opið beinbrot á hendi. Búkurinn slapp algjörlega við hnjask enda sagði hann að þetta hefði verið eins og að henda sér upp í sófa heima þegar hann lenti.
Þetta hefur aukið öryggiskennd mína á vestinu og ég fer ALDREI á bak öðruvísi en að vera í því. Ég finn lítið fyrir því og finnst það sjúklega töff þar sem það lítur pínu út eins og ég sé í sérsveitinni. Það er heldur ekki verra að það er einnig smá skjól í því. Mér finnst ég mun öruggari á baki eftir að ég keypti vestið og í raun ætti þetta að vera staðalbúnaður fyrir hestamenn, nauðsynleg viðbót við hjálminn!”
– Ranný Kramer, hestakona í Herði.
“Ég fór í sumar í hestaferð og var í vestinu góða. Á öðrum degi vorum við að leggja af stað og töluverð læti í stóðinu. Ég var á undan á stökki þegar hesturinn minn fer með framlappirnar í gjótu, ég steypist fram af honum, lendi á bakinu og hesturinn ofan á mig með framhlutann. Gleraugun gáfu mér bólgið nef og glóðuraugu en mér leið eins og ég væri í hoppukastala þegar hesturinn lenti á bringunni. Fyrsta hugsun þegar hesturinn fór og ég stóð upp var að vestið hefði bjargað lífi mínu. Veit ekki hvernig þetta hefði farið ef ég hefði ekki verið í vestinu en allavega ekki vel og eitthvað hefði örugglega látið undan. Takk brokk.is fyrir að kynna vestið fyrir okkur :)”
– Kolbrún Birgisdóttir, hestakona.
MIKLU SLAKARI OG SVALARI Í HNAKKNUM
„Fyrir nokkrum árum hnaut hestur með mig, ég fauk af baki og fékk hestinn yfir mig. Hjálmurinn bjargaði mér en ég hlaut meiðsli sem ég þurfti að glíma við í meira en ár. Ef ég hefði verið í vesti þá hefði ég að öllum líkindum sloppið við meiðslin þannig að þegar ég sá öryggisvestið hjá brokk.is ákvað ég strax að fá mér vesti. Ég er búin að ríða út í mínu vesti í meira en ár og finn að ég er miklu slakari og svalari í hnakknum. Vestið er létt, ég finn ekki fyrir því og það lærist mjög fljótt að tengja og aftengja – svona eins og að spenna bílbelti! Ég mæli með að allir hestamenn fái sér vesti, við eigum að hugsa um öryggið!”
– Hrund Sverrisdóttir, hestakona í Spretti.
Ég var ein af þeim sem átti það til á árum áður að svindla og sleppa hjálminum þegar ég reið „öruggum“ hestum því mér fannst það svo þægilegt. Sem betur fer eltist það nú af mér og með tilkomu betri hjálma sem eru léttir og lofta vel um dettur mér ekki í hug að sleppa honum enda orðin sjálfsagður hlutur eins og að spenna beltin. Svo prófaði ég fyrir nokkrum árum brynju og fannst það svo óþægilegt og heftandi og hélt nú ekki að ég þyrfti að pína mig í svoleiðis apparat. En eftir að hafa horfið upp á góða vini og frábæra knapa lenda í slysum undanfarin ár og svo eignast barn fyrir tæplega þremur árum fór ég að endurskoða þessar hugmyndir mínar um öryggi. Ég ákvað því að skoða þessi nýju vesti, sakar ekki að prófa? Ég átti bara ekki til orð yfir hversu þægileg, létt og lipur þau voru, ég fann ekki fyrir því að ég væri í neinu vesti! Fyrir utan hvað þau eru örugg og vernda mann allan frá hnakka og niður á spjaldhrygg. Það er ekkert annað vesti sem passar upp á hálsinn eins og þetta. Ég mun klárlega alltaf ríða út í þessu vesti og vonandi verða þau orðin sjálfsagður hlutur eins og hjálmarnir eru í dag. Það er nefnilega mjög töff að vera öruggur 🙂
“Þannig var að ég og 5 vetra foli vorum ekki sammála í hvora áttina skyldi fara. Hann var sneggri en ég og því endaði ég á bakinu í jörðinni. Eins og mér var kennt og hef ekki getað vanið mig af þá hélt ég í klárinn. Það varð til þess að þegar honum brá við höggið prjónaði hann og ég kippti honum ofan á mig. Hann lenti á brjóstkassanum á mér með öll sín 300+ kíló. Ég væri ekki hér til frásagnar ef ég hefði ekki fjárfest í vesti frá Brokk.is fyrir tveimur mánuðum. Bakið er í fínu lagi en hællinn á öðrum hófnum lenti fyrir utan vestið og fékk ég frekar ljótt mar og brákað rifbein undir hendinni. Ég mun aldrei ríða út nema í vesti enda finn ég ekkert fyrir því og það veitir mér öryggi. Svo þarf ég að kenna sjálfum mér upp á nýtt að sleppa helv… hestinum ef ég dett. Eða eins og þeir segja fyrir Austan, ekki vera fáviti!”
ÞAÐ EINA SEM SÆRÐIST VAR STOLTIÐ
“Stórir og digrir hestakarlar ættu absalút að kaupa vesti af Brokk og auðvitað margir fleiri, allir geta jú fallið af baki! Það óhapp henti mig síðastliðið sumar að falla af baki og var ég í vestinu. Vestið sprakk á augabragði og fékk ég mjúka lendingu. Ég kenndi mér ekki meins vegna þessa nema stoltið var svolítið sært.”
Halldór Svansson, hestamaður í Spretti
EINA VESTIÐ SEM ER MEÐ VÖRN FYRIR HÁLSINN
“Það er enginn vafi um það í mínum huga að HELITE öryggisvestin eru þau bestu sem í boði eru á Íslandi í dag. Þetta er, mér vitanlega, eina vestið sem er með vörn fyrir hálsinn! Ég hef notast við HELITE öryggisvestið núna í nokkurn tíma. Það er liprara en önnur vesti sem ég hef prófað. Þessi nokkur grömm sem maður þarf að bera eru aðallega í gashylkinu, en vestið er á engan hátt truflandi fyrir hreyfingar knapans eða ábendingar hans. Það andar vel svo ég hef ekki lent í að vera rennsveitt á bakinu eins og með önnur vesti sem ég hef prófað. Allra eftirsóknarverðast fyrir mig er þó vörnin fyrir hálsinn og þá um leið höfuðsins. Ég keypti mér svo bara sérstakan keppnisjakka hjá BROKK.is sem passar yfir vestið til að geta verið í því líka þegar maður fer á mót. Því það er einhvernvegin þannig að þegar maður byrjar að nota öryggisbúnað þá finnst manni maður vera svo berskjaldaður ef maður sleppir því einn daginn. Ég lærði fljótt að muna eftir að spenna vestið við hnakkinn. Aðeins seinni að læra að muna eftir að losa mig aftur, því eins og ég segi, maður hreinlega gleymir því að maður sé í vestinu þar sem það er svo létt og lipurt. Mér hefur samt ekki enn tekist að sprengja óvart upp vestið þó ég hafi marg oft stigið af baki án þess að muna eftir að aftengja mig. Það er ákveðið svigrúm til svoleiðis mistaka svo lengi sem maður er ekki að hoppa af baki með tilþrifum. Ég mæli með HELITE öryggisvestunum frá BROKK!”
HVET ALLA TIL AÐ FÁ SÉR SVONA VESTI
“Ég keypti þetta ágæta vesti rétt fyrir jól þegar ég tók hrossin inn. Hef ekki farið á hestbak síðan án þess að vera í vestinu og tengi snúruna eða líflínuna við hnakkinn. Vestið er mjög létt og í raun verður maður ekkert var við að vera í því og fara í það og tengja það við hnakkinn er eitthvað sem vandist strax. Lásinn í enda líftaumsins er mjög góður og auðvelt að tengja og losa.
Síðan ég fékk vestið hef ég ekki dottið af baki og ég treysti því að þetta virki á sama hátt og maður treystir því að loftpúðinn í bílnum bjargi manni ef á þarf að halda. Hvet alla til að fá sér svona vesti. Maður veit aldrei hvenær þeirra er þörf.”
Magnús Ólafsson frá Sveinsstöðum
MEIRA ÖRYGGI OG SJÁLFSTRAUST Á BAKI
“Ég get heilshugar mælt með Helite öryggisvestunum.
Veitir mér miklu meira öryggi og sjálfstraust á baki.
Eins og að spenna á sig öryggisbelti í bíl þá er
öryggisvestið jafn sjálfsagt fyrir mig”
Inga Sigríður, hestakona í Sörla