STÆRÐARTÖFLUR
Ekki vera í þykkum klæðnaði þegar mælt er.
Þegar valið er á milli stærða er byrjað að miða við lengd á baki, sjá mynd.
Baklengdin þrengir valið niður í tvær stærðir. Þá er farið eftir málum á bringu, mjöðmum o.s.frv.
BARNA ÖRYGGISVESTI MEÐ RENNILÁS
89.000 kr.
HELITE öryggisvesti veita eina bestu vörn gegn meiðslum sem hestamenn fá. Vestið er með innbyggðum loftpúða og vegur aðeins 600 gr. Knapi finnur nánast ekkert fyrir vestinu og það hefur engin áhrif á samband knapa og hests. Vestin eru vatnsheld og teygjanleg, gefa vel eftir en halda lögun sinni eftir að vestið hefur blásið upp. Vestin henta öllum kynjum og stærðum og koma einnig í barnastærðum. Athugið að börn þurfa að vera 35 kg. eða meira til að mega nota vestin. Skoðið endilega stærðartöfluna hér neðar á síðunni.
Hægt er að nota vestið eitt og sér óklætt eða setja vestið í viðurkenndan Helite fatnað. Vestið hentar ekki fyrir annan fatnað.
Vestið er selt tilbúið til notkunar og með því fylgir eitt gashylki, hnakkól, taumur frá vestinu í hnakkól, skiptilykil og handbók. Stærðartaflan hjálpar við að velja rétta vestið.
Það er velkomið að máta vestið hjá okkur. Við erum í Spretti, Heimsenda 14. Hafðu samband í síma 7801881 til að panta mátun. Frí heimsending ef verslað er fyrir 15.000 kr.
ÖRYGGISVOTTANIR OG ÁBYRGÐ
CE VOTTUN: Helite öryggisvestin uppfylla ströngustu öryggiskröfur og eru með CE vottun frá ALIENOR rannsóknarstofunni sem er óháð stofnun á vegum Evrópusambandsins og sérhæfir sig í að rannsaka öryggisbúnað fyrir hestamenn (PPE).
ÁBYRGÐ: Öryggisvestunum fylgir lágmarks tveggja ára ábyrgð.Ef þú skráir vestið innan þriggja mánaða frá kaupum þá eykst ábyrgðin um tvö ár og verður að fjögurra ára ábyrgð. Til að skrá vestið í fjögurra ára ábyrgð smelltu HÉR
SKIPT UM HYLKI
Það er einfalt að skipta um gashylki í vestinu en mikilvægt að það sé gert rétt! Það er því mikilvægt að horfa á þetta myndband þegar það er gert í fyrsta skiptið.
Myndbandið útskýrir allt sem gott er að hafa í huga þegar hnakkólin er fest.
VIÐHALD
Við mælum með að yfirfara vestið árlega. Þá er skoðað ástandið á gashylkinu og það er viktað. Móttak er skrúfað í sundur og þrifið. Myndbandið útskýrir í smáatriðum allt sem gott er að hafa í huga við árlega skoðun á vestinu.Ekki má þvo vestið í þvottavél eða sökkva því í vatn. Ef þvo þarf vestið þá mælum við með að skrúbba vestið með bursta og lítið af vatni.
